1 पतरस 2:13-17

13 प्रभु के ताहीं सबै मानवीय अधिकारन को सम्मान करौ, राजा राज्य को प्रमुख होबै, 14 और राज्यपालन के ताहीं, जिनकै बाके जरिया चुनो गौ है कि बौ बुराई करन बारेन कै सजा देबै और अच्छो करन बारेन की बड़ाँईं करै। 15 काहैकि परमेस्वर चाहथै कि तुम अपने भले कामन के जरिये मूर्ख लोगन की अग्यानी बातन कै चुप कराबौ। 16 तुम आजाद लोगन के हानी जीबौ, फिर भी तुम परमेस्वर के दास हौ, तभईये अपनी आजादी को उपयोग बुराई करन के बहाने के रूप मैं मत करौ, परमेस्वर के दास के नाई जीबौ। 17 सबन को आदर करौ, अपने संगी विस्वासियन से प्रेम करौ, परमेस्वर से डराबौ और राजा को आदर करौ।