14 जो बईंय्यरैं हमैं सुनीं, उनमैं से एक थुआतीरा सरह मैं की लुदिया नाओं की बईय्यर रहै, जो बैंगनी लत्तन को ब्यापार करत रहै। बौ एक बईय्यर रहै जो परमेस्वर की आराधना करे करत रहै, और प्रभु बाको मन खोली, ताकी पौलुस की बातन मैं ध्यान लगाबै। 15 और बाके बाद बाके घर के लोग बपतिस्मा लईं, बौ हमकै बुलबाई, "आबौ और मेरे घर मैं रहबौ अगर तुम फैसला करे हौ कि मैं प्रभु मैं सच्चो बिस्वास रखथौं।" और बौ हमकै नहोरे करकै जान के ताहीं मनाए लई।
30 फिरौंकी उनकै दुआरे लाए कै कही, "हे मालिक उद्धार पान ताहीं मैं का करौं?"
31 बे जबाब दईं, "प्रभु ईसु के ऊपर बिस्वास कर, तौ तैं और तेरो पूरो परिवार उद्धार पागो।" 32 तौ बे बाके पूरे घर के आदमिन कै प्रभु को बचन सुनाईं। 33 और रात कै बहे समय बौ उनकै लै जाएकै उनके घाव कै धोई, और बौ अपने सब आदमी समेत तुरंतै बपतिस्मा लई।