32 सास्त्र को जौ अध्याय बौ पढ़त रहै, बौ जौ कहत रहै:
"बौ एक भेंड़ के हानी रहै जोकै मारन के ताहीं लैजाओ जाथै,
एक भेंड़ के मेम्ना के हानी जो कोई अबाज ना करथै जब बाको ऊन काट दौ जाथै।
बौ एक सब्द ना कही।
33 बाकै बेईज्जत करो गौ, और बाकै न्याय से वंचित कर दौ गौ।
कोइयो बाके बंसज के बारे मैं नाय बताए पाओ।
काहैकि पृथ्वी मैं बाकी जिंदगी खतम हुई गई।"
34 तौ अधिकारी फिलिप्पुस से पूँछी, "मैं तोसे बिनती करथौं, बता, जौ भविस्यवक्ता कौनके बारे मैं कहरौ है? अपने बारे मैं या कोई दुसरे के बारे मैं?" 35 तौ फिलिप्पुस कहेन लागो; और सास्त्र के जौ अंस से सुरू हुईकै, बौ बाकै ईसु को सुसमाचार सुनाई।