3 जैसे-जैसे साऊल दमिस्क सहर के झोने आत गौ, अनकाचीति आसमान से बाके ऊपर एक उजियारो चमको। 4 बौ जमीन मैं गिर गौ और बाकै एक अबाज सुनाई दई, "साऊल, साऊल! तू मोकै काहेकै सताथै?"
5 बौ पूँछी, "प्रभु तैं कौन है?" अबाज कही, "मैं ईसु हौं; जोकै तू सताथौ।" 6 "लेकिन अब उठकै और सहर मैं जा, जहाँ तोकै बताओ जागो कि तोकै का करनो चाहिए।"
7 जो आदमी साऊल के संग सफर करत रहैं, बे चकाय गै, काहैकि बे अबाज कै सुनत तौ रहैं, लेकिन कोई कै देख नाय पात रहै। 8 तौ साऊल जमीन मैं से उठो, लेकिन जब आँखी खोली तौ बाकै कछु सुजान ना लगो। जहे बजह से बे बाको हात पकड़कै दमिस्क मैं लैगै। 9 बौ तीन दिन ले नाय देख सको, और बौ समय साऊल कछु ना खाए पी पाई।