5 जैसो ईसु मसीह को स्वभाव रहै बैसिये तुमरो भी स्वभाव और सोच होबै:
6 बाके पास हमेसा परमेस्वर को स्वरूप रहै,
लेकिन बौ जौ नाय सोची रहै कि जबरजत्ती बाकै परमेस्वर के बराबर रहन की कोसिस करनो चाहिए।
7 जाके बजाय, बौ अपनी मरजी से अपनो सब कछु छोड़ दई,
और एक दास को स्वरूप ले लई।
बौ एक इंसान की तरह बन गौ
और इंसान की बराबरी मैं दिखाई दई।
8 बौ विनम्र रहै और आग्याकारिता के रहामैं चलत भौ मौत तक पौहौंच गौ,
क्रूस की मौत।
9 जौ बजह से परमेस्वर बाकै सबसे ऊँची जघा मैं
से ऊपर उठाई और बाकै बौ नाओं सौंप दई जो सब नाओं से बड़ो है।
10 और इसलै, जो स्वर्ग मैं और पृथ्वी मैं और जो पृथ्वी के तरे हैं;
बे सब ईसु के नाओं मैं घूँटो टेकैं,
11 और परमेस्वर दऊवा की महिमा के ताहीं
और सब खुलेआम ऐलान करंगे कि ईसु मसीह ही प्रभु है।