Hebreus 12

परमेस्वर हमरो दऊवा

1 जहाँ ले हमारी बात है, हमरे आस-पास गभा की इतनी बड़ी भीड़ है, कि हम रस्ता मैं आनबारी सबै चीजन से छुटकारा पामैं, और बौ पाप से छुटकारा पामैं जो हमकै इतनी कसकै पकड़थै, और हमकै बिस्वास के संग भाजनो चाहिए। 2 और बिस्वास के कर्ता और सिद्ध करन बारे ईसु के घाँईं ताकते रहमैं; जो बौ खुसी के ताहीं जो बाके अग्गु धरी रहे, सरम की कोई चिंता नाय करकै, क्रूस को दुख सई; और परमेस्वर के सिंहासन के दहने जाए बैठो।

3 जहेमारे बाके ऊपर पूरे मन से ध्यान करौ, जो अपने खिलाप पापिन को इतनो बिरोध सह लई कि तुम निरास हुईकै हिम्मत ना छोड़ दियौ।