परमेस्वर के लोगन ताहीं आराम
7 जहेमारे जैसो पवित्र आत्मा कहथै,
"अगर आज तुम बाकी अबाज सुनौ,
8 तौ अपने मन कै कठोर मत करौ,
जैसो कि तुमरे बड़े-बूढ़े परमेस्वर से बलवा करन के समय करीं रहैं,
जैसी जब बौ दिन बे बन मैं रहैं, जब बे बाकी परिक्छा लईं।
12 हे भईय्यौ, चहाचीते रहबौ, कि तुम मैं ऐसो बुरो और अविस्वासी मन न होबै, जो जिंदे परमेस्वर से दूर हुई जाबौ। 13 बल्कि पवित्र सास्त्र मैं जो दिन आज को दिन कहो जाथै, हर दिन एक दूसरे के समझानो चाहिए, ऐसो नाय होबै, कि तुम मैं से कोई आदमी पाप के धोका मैं आए कै कठोर हुई जाबै।
15 जैसो सास्त्र कहथै,
"अगर आज तुम परमेस्वर की अबाज सुनौ,
तौ अपने मन कै कठोर मत करौ, जैसो कि तुमरे पुरखा परमेस्वर से बलवा करन के समय करीं रहैं।"