ईसु के पहले चेला
35 दुसरे दिन यूहन्ना और बाके दुई चेला ठाड़े रहैं। 36 और यूहन्ना ईसु कै, झोने आत भइ देखकै कही, "देखौ, जौ परमेस्वर को मेम्ना है।"
37 तौ बे दोनों चेला यूहन्ना की जे बात सुनकै ईसु के पच्छू चल दईं। 38 ईसु मुड़कै उनकै पच्छू आत भौ देखी और उनसे कही, "तुम कौनकै ढूँड़ रै हौ?" बे ईसु कै जबाब दईं, "गुरुजी, तैं कहाँ पर रहथै?"
39 ईसु उनसे कही, "आबौ, और देखौ।" तौ बे जाएकै ईसु की रहन बारी जघा कै देखीं, और बौ दिन ईसु के संग रहीं। काहैकि लमसम संजा के चार बज चुके रहैं।
40 बे दोनों मैं से, जो यूहन्ना की बात सुनकै ईसु के पच्छू हुई लईं रहैं, उनमैं से एक सिमौन पतरस को भईय्या अन्द्रियास रहै।