21 मार्था ईसु से कही, "प्रभु, अगर तैं हींना पर होतो, तौ मेरो भईय्या नाय मरतो! 22 और अभऊ मैं जानथौं, कि जो कछु तैं परमेस्वर से माँगैगो, परमेस्वर तोकै देगो।"
23 ईसु बासे कही, "तेरो भईय्या जिंदो हुई जागो।"
24 मार्था बासे कही, "मैं जानथौं, आखरी दिन मैं दुबारा पुनरुत्थान11:24 मरन के बाद दुबारा से जिंदो होन कै पुनरुत्थान कहथैं के समय बौ जी उठैगो।"11:24 (प्रेरितो 24:15) धर्मी और अधर्मी दोनों जिंदे हुई जांगे,
25 ईसु बासे कही, "पुनरुत्थान और जिंदगी महीं हौं, जो कोई मेरे ऊपर बिस्वास करथै बौ अगर मरियो जाबै, तहुँओं जीबैगो; 26 और जो कोई जिंदो है, और मेरे ऊपर बिस्वास करथै, बौ अनंतकाल तक नाय मरैगो, का तैं जौ बात मैं बिस्वास करथै?"
43 ऐसे कहकै ईसु फिर बड़ा जोर से कही, "ए लाजर, निकर आ!" 44 जो मर गौ रहै, बौ कफन सुंदा हाथ पाँव बंधो भौ निकर आओ और बाको मोहों अंगोछा से लिपटो पड़ो रहै। फिर ईसु उनसे कही, "बाकै खोल देबौ और जान देबौ।"
ईसु के खिलाप साजिस
(मत्ती 26:1-5; मरकुस 14:1,2; लूका 22:1,2)