खाली कबर
1 सप्ताह के पहले दिन इतवार कै मरियम मगदलीनी भुकभुको होन से अग्गु अंधियारे मैं कबर मैं आईं, और बौ हुँआँ पर पथरा कै कबर मैं से हटो भौ देखीं।
6 फिर सिमौन पतरस बाके पच्छू-पच्छू पुगो, और कबर के भीतर गौ और लत्ता पड़े भै देखी; 7 और बौ अंगोछा जो ईसु को मूड़ से भँदो रहत रहै, बौ लत्तन के संग पड़ो भौ नाय, बल्किन अलग्याँओं एक जघा लिपटो धरो भौ देखी।
11 मरियम रोत भइ कबर के दुआरे ठाड़ी रइ, तौ बौ रोत भइ लोहोक्कै कबर मैं देखी।
14 ऐसे कहकै बौ पच्छू मुरकी और हुँआँ ईसु कै ठाड़ो भौ देखी; पर बौ नाय जानत रहै कि बौ ईसु है। 15 ईसु बासे पूँछी, "ओ बईय्यर, तैं काहेकै रोए रइ है? बौ कौन है जोकै तैं ढूँड़ रइ है?" बौ बाकै माली समझकै बासे कही, "महाराज, अगर तैं बाकै उठाए लैगौ है तौ मोकै बता कि बाकै कहाँ धरो है, और मैं बाकै लै जांगो।"
16 ईसु बासे कही, "मरियम!" बौ पच्छू मुड़कै बासे इब्रानी भासा मैं कही, "रब्बूनी!" जाको मतलब है "गुरु।"
18 फिर मरियम मगदलीनी गईं और चेलन से कहीं कि बौ प्रभु कै देखीं है और जहो बताईं की प्रभु उनके बारे मैं का-का कही है।
ईसु अपने चेलन कै दिखाई दई
(मत्ती 28:16-20; मरकुस 16:14-18; लूका 24:36-49)