11 मरियम रोत भइ कबर के दुआरे ठाड़ी रइ, तौ बौ रोत भइ लोहोक्कै कबर मैं देखी। 12 और हूँना देखी कि दुई स्वर्गदूत सेतो लत्ता पहने रहैं, जितै ईसु की सरीर रहै, एक कै सिराने और दुसरे कै टाँग घाँईं बैठो भौ देखी। 13 बे स्वर्गदूत बासे कहीं, "अरे बईय्यर तैं काहेकै रोय रइ है?" बौ फिर उनसे कही, "बे मेरे प्रभु कै उठाए लैगै हैं और मोकै पता नाय है कि बे बाकै कहाँ धरी हैं।"
14 ऐसे कहकै बौ पच्छू मुरकी और हुँआँ ईसु कै ठाड़ो भौ देखी; पर बौ नाय जानत रहै कि बौ ईसु है। 15 ईसु बासे पूँछी, "ओ बईय्यर, तैं काहेकै रोए रइ है? बौ कौन है जोकै तैं ढूँड़ रइ है?" बौ बाकै माली समझकै बासे कही, "महाराज, अगर तैं बाकै उठाए लैगौ है तौ मोकै बता कि बाकै कहाँ धरो है, और मैं बाकै लै जांगो।"
16 ईसु बासे कही, "मरियम!" बौ पच्छू मुड़कै बासे इब्रानी भासा मैं कही, "रब्बूनी!" जाको मतलब है "गुरु।"
17 ईसु बासे कही, "मोकै मत छूबै,20:17 मत पकड़े रहबै काहैकि मैं अभै तक परम दऊवा के झोने ऊपर नाय गौ हौं, पर मेरे भईय्यन के झोने जाएकै उनसे कहदे, कि मैं अपने परम दऊवा, और तुमरे परम दऊवा, और अपने परमेस्वर और तुमरे परमेस्वर के झोने ऊपर जाथौं।"
18 फिर मरियम मगदलीनी गईं और चेलन से कहीं कि बौ प्रभु कै देखीं है और जहो बताईं की प्रभु उनके बारे मैं का-का कही है।
ईसु अपने चेलन कै दिखाई दई
(मत्ती 28:16-20; मरकुस 16:14-18; लूका 24:36-49)