ईसु और थोमा
24 लेकिन बारह मैं से एक जनी यानी थोमा जो दिदुमुस कहो जात रहै, जब ईसु आओ तौ उनके संग ना रहै। 25 जब और चेला बासे कहेन लागे, "कि हम प्रभु कै देखे हैं," तौ बौ उनसे कही, "जबले मैं बाके हातन मैं कील के भार नाय देख लेमौं, और कीलन के भार मैं अपनी उँगरिया नाय डार लेमौं, तौले मैं बिस्वास नाय करंगो।"
26 एक सप्ताह के बाद बाके चेला फिर घर के भीतर रहैं, और थोमा उनके संग रहै; और फाटक बंद रहैं, तौ फिर ईसु आओ और उनके बीच मैं ठाड़कै कही, "तुमकै सांति मिलै।" 27 तौ ईसु थोमा से कही, "अपनी उँगरिया हींना लाए कै मेरे हातन मैं रख और अपने हात लायकै मेरी पुसरिया मैं डार और अविस्वासी ना बल्कि बिस्वास कर।"
28 जौ सुनकै थोमा जबाब दई, "हे मेरे प्रभु, हे मेरे परमेस्वर!"
29 ईसु बासे कही, "तैं मोकै देखो है, का जहे ताहीं तैं बिस्वास करो है? धन्य बे हैं जो बिना देखे बिस्वास करीं हैं!"