14 और जब त्योहार को आधो दिन गुजर गौ; तौ ईसु मंदिर मैं जाएकै उपदेस देन लागो। 15 तौ यहूदि नेता चौहोंक कै कहीं, "जाकै बिना पढ़े बिद्या कैसे आए गई?"
16 ईसु उनकै जबाब दई, "मेरो उपदेस मेरो ना है, पर मेरे भेजन बारे को है। 17 अगर कोई बाकी इच्छा मैं चलनो चाहबै, तौ बौ जौ उपदेस के बारे मैं जान जागो कि बौ परमेस्वर के घाँईं से है, या मैं अपने घाँईं से कहथौं। 18 जो अपने घाँईं से कछु कहथै, बौ अपनिए बड़ाँईं चाहथै; पर जो अपने पनारन बारे की महिमा चाहथै बहे सच्चो है, और बामै कोई अधर्म नाय है।