व्यभिचार करन बारी बईय्यर कै माफी मिलनो
1 लेकिन ईसु जैतून के पहाड़ मैं गौ। 2 और भोर होत खिना कि मंदिर मैं आए गौ, और सब जनी बाके झोने आए; और बौ हूँना बैठकै उनकै उपदेस देन लगो। 3 तौ यहूदि नियम के सिक्छक और फरीसियैं एक बईय्यर कै लाईं जो कि व्यभिचार करत भइ पकड़ी गई रहै, और बाकै बीच मैं ठड़बाए कै ईसु से कहीं, 4 "गुरुजी, जौ बईय्यर व्यभिचार करत भइ पकड़ी गई है। 5 नियम मैं मूसा हमकै आग्या दई है कि ऐसी बईंय्यरन कै पथरा मारियो; और तैं जौ बईय्यर के बारे मैं का कहनो चाहथै?"8:5 लैव्यवस्था 20:10 6 बे ईसु कै परखन के मारे ऐसे कहीं ताकी बाके ऊपर दोस लगान के ताहीं कोई बात पाए जामैं, पर ईसु लोहोक कै उँगरिया से जमीन मैं लिखन लागो। 7 जब बे ईसु से पूँछतै रहैं, तौ बौ सीध हुईकै कही, "तुम मैं से जो पाप नाय करो है, बहे पहले बाकै पथरा मारै।" 8 और फिर से लोहोक कै जमीन मैं लिखन लागो। 9 पर बे ऐसे सुनकै बड़े-बूढ़े से लैकै छोटे तक एक-एक करकै हुँआँ से निकर गै, और ईसु अकेलो रहगौ, और बौ हुँए बीच मैं ठाड़ी रह गई। 10 ईसु ठाड़कै बासे कही, "हे नारी, बे सब कहाँ गै? का कोई तोकै सजा की आग्या नाय दौ?"
11 बौ बईय्यर कही, "हे प्रभु, कोई नाय दौ।" ईसु कही, "महुँ तोकै सजा की आग्या नाय देंगो; और अब तैं जा और कहु पाप मत करिये।"