लूका 1

59 जब बालका एक सप्ताह को रहै, तौ बे बाको खतना करन कै आए और बाको नाओं बाके दऊवा के नाओं मैं जकर्याह रखनो चहात रहैं।✝1:59 उत्पत्ति 17:12; लैव्यवस्था 12:3 60 लेकिन बाकी अईय्या कही, "न! बाको नाओं यूहन्ना रखो जाबै।"

61 बे एलिसिबा से कहीं, "तेरे हितुअन मैं कोई को जौ नाओं ना है!" 62 फिर बे बाके दऊवा घाँईं इसारा करकै पूँछीं, कि तैं लौड़ा को नाओं का रखनो चाहथै।

63 जकर्याह लिखन बारी पटिया माँग कै लिख दई, "बाको नाओं यूहन्ना है," और सब बड़ा हैरान भै!