39 हुँआँ लटके भै अपराधिन मैं से एक जनी बाकी बुराई करीं: "का तैं मसीहा ना है? अपने आपकै और हमकै बचा!"
40 लेकिन दुसरो जनी बाकै झुकात भै कही, "का तैं परमेस्वर के न्याय से ना डराथै? तहूँ तौ बहे सजा पाए रौ है। 41 हमरो, खाली ठीक है, काहैकि हमैं बहे मिल रौ है जोके हम सई रूप मैं हकदार हैं, जो हम करे; लेकिन बौ कोई गलत काम ना करी।" 42 और बौ ईसु से कही, "ईसु, जब तैं अपने राज्य मैं राजा के रूप मैं आबै, तौ मोकै याद करीये!"
43 ईसु बासे कही, "मैं तोसे सच्ची मैं कहथौं कि आज तैं मेरे संग स्वर्गलोक मैं होगो।"
ईसु कि मौत
(मत्ती 27:45-56; मरकुस 15:33-41; यूहन्ना 19:28-30)