Marcos 3

22 थोड़ी यहूदि नियम के सिक्छक जो यरूसलेम से आए रहैं, ऐसे कहेत रहैं, "की बाके भीतर बालजबूल है," और बहे अपने अधिकार से प्रेत आत्मा कै निकारन के ताहीं ईसु कै ताकत देथै।

23 और ईसु उनकै अपने झोने बुलाएकै उनसे कहानी*3:23 जौ कहानी असली जिंदगी से ना है, जोकै दृस्टान्त कहथैं के जरिये कहेन लगो:✝3:23 मरकुस 4:2 "सैतान कै सैतान कैसे निकार सकथै?" 24 और अगर कोई राज्य मैं फूट पड़ जाबै, तौ बौ राज्य कैसे टिको रह सकथै? 25 और अगर कोई के घर मैं फूट पड़ जाबै, तौ बौ घर कैसे टिको रह सकथै? 26 और अगर सैतान अपनेई खिलाप हुईकै और अपनेई मैं फूट डारै, तौ बौ कैसे टिको रह सकथै? बाको तौ नामो निसान खतम हुई जातो।

27 "पर कोई इंसान, कोई तगड़े आदमी के घर मैं घुसकै बाको माल जेबर नाय लूट सकथै, जबले की पहले बौ तगड़े आदमी कै भाँद ना लेबै; तौ जाएकै बाको घर लूट पागो।"

28 "मैं तुमसे सच्ची कहथौं कि इंसानन की औलादन के सब पाप और बुराई जो बे करथैं, बे माफ करे जांगे, 29 पर जो कोई पवित्र आत्मा के खिलाप बुराई करैगो, बौ अनंतकाल तक माफ न करो जागो✝3:29 लूका 12:10: और बौ कहु ना खतम होन बारो पाप को कसूरवार मानो जागो।" 30 ईसु जौ कही, काहैकि बे जौ कहेत रहैं, कि "ईसु मैं प्रेत आत्मा है।"