मरकुस 6

37 ईसु उनकै जबाब दई, "तुम्हईं उनकै खान कै देबौ।" बे ईसु से कहीं, "का हम दुई सौ चाँदी के सिक्का कि रोटी मोल लैकै खान कै देमैं?"

38 ईसु उनसे कही, "जाएकै देखौ तौ, तुमरे झोने कितका रोटी हैं?" फिरौंकी पूँछ-पाँछ कै बे कहीं "पाँचै रोटी और दुईये मच्छी हैं।"

39 फिर ईसु चेलन से कही, "जौ हरी-हरी घाँस मैं सबन कै लैनबार से बैठार देबौ।" 40 तभईये बे सौ-सौ, पचास-पचास करकै लैनबार से बैठत गै। 41 बौ पाँच रोटी और दुई मच्छी कै लैकै, ऊपर स्वर्ग के घाँईं देखी और धन्यवाद करी, और रोटियन कै तोड़कै चेलन कै देत गौ, ताकी बे सब जनिन ताहीं परसा परसैं, और बे दुई मच्छी सबन कै बाँट दईं। 42 सब जनी खूबै छक कै खाए लईं। 43 और फिर बाके चेला मच्छी और रोटी की बहारै छपरिया बची भईं उठाईं।