6 इतका कहतै खिना ईसु बोल उठो, "यसायाह भविस्यवक्ता जो रहै बौ तुम कपटियन ताहीं कतईये ठीकै-ठीक भविस्यवाँड़ी करी है" जैसे कि लिखो पड़ो है:
"जे आदमी, मोहों से तौ मेरो आदर करथैं,
लेकिन उनको मन तौ मोसे लगोई ना है।
7 उनकै मेरी उपासना करकै कोई फायदा ना है,
कैसे बे इंसानन की बनाई भइ बातन कै
परमेस्वर को नियम करकै सिखाथैं!"
8 "काहैकि तुम तौ परमेस्वर के आग्या कै टालमटोल करकै इंसानन की रीत-रबईय्यन कै मानत रहथौ।"