Mateus 15

एक कनानी बईय्यर को बिस्वास

21 ईसु बौ जघा कै छोड़कै सूर और सैदा सहर के घाँईं चल दई। 22 और देखौ, बौ परदेस से एक कनानी बईय्यर निकरी, और चिल्लाए कै कहन लगी, "हे प्रभु! दाऊद की संतान, मेरे ऊपर दया कर, मेरी लौड़िया कै प्रेत आत्मा बुरी तरहन से पकड़े पड़े है।" 23 पर ईसु बाकै कछु जबाब ना दई, और चेला आयकै बासे नहोरे करकै कहीं, "जाकै पनार दे; काहैकि बौ हमरे पच्छू चिल्लात भई आए रई है।" 24 ईसु जबाब दई, "खाली इस्राएल के घराने की हरानी भइ भेंड़न कै छोड़कै मैं कोई के झोने नाय भेजो गौ हौं।" 25 तौ बौ बईय्यर ईसु के अग्गु झुककै नहोरे करी, "हे प्रभु मेरी मदत कर।" 26 ईसु जबाब दई, "लौड़न की रोटी लैकै कुत्तन के अग्गु डारनो अच्छो नाय है।" 27 बौ बोली, "सैंदे प्रभु, पर कुत्तौ बौ करकूना खाथैं, जो उनके स्वामियन की मेज से गिरथै।" 28 जौ बात से ईसु बाकै जबाब दैकै कही, "हे बईय्यर, तेरो बिस्वास बड़ो है; जैसो तैं चाहथैं, तेरे ताहीं बैसोई होबै" और बाकी लौड़िया बहे समय अच्छी हुई गई।✝15:28 मत्ती 8:10,13