13 जब ईसु कैसरिया फिलिप्पी के परदेस मैं आओ और अपने चेलन से पूँछन लगो, "आदमी इंसान के लौड़ा कै का कहथैं?" 16 सिमौन पतरस जबाब दई, "तैं जिंदे परमेस्वर को लौड़ा मसीह है।"
21 बौ समय ईसु चेलन कै बतान लगो, "मोकै जरूरी है, कि यरूसलेम जामौं और यहूदि नियम के सिक्छक, बड़े-बूढ़े यहूदि नेतन और प्रमुख पुजारियन के जरिये बड़ा दुख उठामौं; और मार डारो जामौं; फिर तिसरे दिन जी उठौं।" 22 जौ बात मैं पतरस बाकै अलग्याँओं लै जाएकै झुकान लगो, "हे प्रभु, परमेस्वर ना करै! तेरे संग ऐसो कहु ना होगो।" 23 ईसु मुड़ कै पतरस से कही, "सैतान, मेरे अग्गु से दूर हुई जा! तैं मेरे ताहीं ठोकर को बजह है; काहैकि तैं परमेस्वर के तराहनी नाय, इंसानन के तराहनी सोचरौ है।"
ईसु के पच्छू चलन को मतलब
24 16:24 मत्ती 10:38; लूका 14:27 तौ ईसु अपने चेलन से कही, "अगर कोई मेरे पच्छू आनो चाहबै, तौ अपने आपकै इंकार करै और अपनो क्रूस उठाबै, और मेरे पच्छू हुई लेबै। 28 मैं तुमसे सच कहथौं, कि जो हींना ठाड़े हैं, उनमैं से कित्ते ऐसे हैं, कि जबले इंसान के लौड़ा कै बाके राज्य समेत आत भै नाय देखलेमैं, तौले मौत को स्वाद कहु नाय चखंगे।"