बालकन की हत्या
16 राजा हेरोदस जब जौ देखी कि सितारन को अध्ययन करन बारे विद्वान बाके संग चाल चली हैं, तब बौ भौत गुस्सा हुई गौ और बौ आग्या दई कि बैतलहम और बाके आसपास मैं दुई साल या बासे छोटे सबै बालकन की हत्या कर दई जाबै! सितारन को अध्ययन करन बारे विद्वान के बताए भै समय को आधार बनाएकै जौ करी। 17 ऐसे करकै यिर्मयाह भविस्यवक्ता जो कही रहै, बौ सच मैं पूरो भौ:
18 "रामा नगर मैं एक अबाज सुनाई देथै,
जो दर्दीली रोन की अबाज है।
राहेल अपने बालकन के ताहीं रोय रइ है;
ना चाहत रहै कि बौ समय बाकै कोई सांति दियै,
काहैकि बाके तौ सबै बालका मर चुके रहैं।"