Mateus 20

ईसु दुई अंधरा आदमी कै अच्छो करी

29 जब ईसु और बाके चेला यरीहो से जात रहैं, तौ एक भारी भीड़ बाके पच्छू हुई लई। 30 और दुई अंधरा आदमी जो सड़क के किनारे बैठे रहैं, जौ सुनकै कि ईसु जाएरौ है, चिल्लाए कै कहेन लगे, "प्रभु, दाऊद के बालक हमरे ऊपर दया कर।"

31 आदमी उनकै झुकाइ, कि चुप्पा रहाबौ, पर बे औरौ चिल्लाए कै कहीं, "प्रभु दाऊद के बालक हमरे ऊपर दया कर।"

32 तौ ईसु ठाड़कै उनकै बुलाई और कही, "तुम का चाहथौं कि मैं तुमरे ताहीं करौं?"

33 बे जबाब दईं, "गुरुजी, हम चाहथैं कि तैं हमैं आँखी कि जोती दे!"

34 ईसु तरस खाएकै उनकी आँखी छुइ और बे तुरंतै देखन लगे, और बाके पच्छू हुई लईं।