मत्ती 22

17 तौ, हमैं बताबौ, तुम का सोचथौ? का रोमन सम्राट कैसर कै लगान देनो हमरे नियम के खिलाप है या नाय?"

18 हालाकि, ईसु उनकी बुरी योजना कै जानत रहै, और तभई बौ कही, "तुम पाखंडी हौ! मोकै काहेकै फसान की कोसिस कर रहे हौ? 19 मोकै लगान देन को सिक्का दिखाबौ!" बे बाकै सिक्का दिखाईं, 20 और बौ उनसे पूँछी, "जौ सिक्का मैं कौनकी छाप और सकल को नाओं है?" 21 बे बाकै जबाब दईं, "कैसर को," तौ ईसु कही, "ठीक है, जो कैसर को है बौ कैसर कै; और जो परमेस्वर को है, बौ परमेस्वर कै दियौ।"