3 27:3 प्रेरितो 1:18,19 जब धोकेबाज, यहूदा कै मालुम भौ कि ईसु की बुराई करी गई है, तौ बौ पछताई और मुखिया पुजारिन और बड़े-बूढ़ेन के तीस चाँदी के सिक्का बापस लौटाय दई। 4 बौ कही, "मैं एक निर्दोस आदमी के खून कै धोका दैकै पाप करो हौं!" बे जबाब दईं। "हमैं जासे का? जौ तौ तेरो काम है!"
5 यहूदा सिक्कन कै मंदिर मैं खेंप कै हूँनै छोड़ दई; फिरौंकी बौ हूँना से चले गौ और फाँसी खाएकै लटक गौ।
6 मुखिया पुजारी सिक्कन कै उठाईं और कहीं, "जौ खून को पैसा है, और जाकै मंदिर मैं रखनो नियम के खिलाप है।" 7 तभई बे विदेसियन के ताहीं दफनान बारी जघा के रूप मैं कुम्हरा के खेत कै खरीदन ताहीं पैसा कै इस्तमाल करन को फैसला करीं।