Mateus 3

यूहन्ना बपतिस्मा देनबारे को प्रचार

1 बौ समय यूहन्ना बपतिस्मा देन बारो यहूदिया के रेगिस्तान मैं आओ और प्रचार करनो सुरु करी। 2 ✝3:2 मत्ती 4:17; मरकुस 1:15 बौ कही: "पापन से मन फिराबौ, काहैकि स्वर्ग को राज्य झोने है!" 3 ✝3:3 यसायाह 40:3 यूहन्ना बहे आदमी है, जोके बारे मैं यसायाह भविस्यवक्ता चर्चा करत भै कही रहै,

"कोई रेगिस्तान से चिल्लाए रौ है,

कि प्रभु के ताहीं रस्ता तैयार करौ;

बाके ताहीं राह सीधी बनाबौ!"

4 ✝ 3:4 2 राजा 1:8 यूहन्ना के लत्ता ऊँट के बारन से बने रहैं; बौ अपने करिहाँओं मैं एक चमड़ा की कमरबंद पहने रहै, और बाको खानु टींड़ा और बन को सहद रहै। 5 बौ समय यरूसलेम, और पूरो यहूदिया छेत्र और यरदन नदिया के आसपास के लोग बाके झोने आयकै जुराए गै। 6 बे अपने पापन कै मान लेते, और बौ उनकै यरदन नदिया मैं बपतिस्मा दई।