13 बौ समय ईसु गलील परदेस से चलकै यरदन नदिया के किनारे यूहन्ना के झोने बासे बपतिस्मा लई। 14 लेकिन यूहन्ना जौ कहकै बाकै रोकन लगो कि, "मोकै तेरे हातन से बपतिस्मा लेन की जरूरत है और तहुँओं तैं मेरे झोने आओ है!" 15 लेकिन ईसु बाकै जबाब दई, "हबै ऐसिये होन दे। हमसे जो परमेस्वर चाहथै बाकै पूरो करन के ताहीं धार्मिकता जहे तरहन से ठीक है।" फिर यूहन्ना मान गौ। 16 ईसु के बपतिस्मा लेन के तुरंत बाद, बौ पानी से बहार आओ, तौ बाके ताहीं स्वर्ग खोलो गौ, और बौ परमेस्वर की आत्मा को एक कबूतर के हानी नीचे उतरत और अपने ऊपर आत भौ देखी और बाके ऊपर उजीतो हुई गौ। 17 3:17 उत्पत्ति 22:2; भजन संहिता 2:7; यसायाह 42:1; मत्ती 12:18; 17:5; मरकुस 1:11; लूका 9:35तौ स्वर्ग से एक अबाज आई, "जौ मेरो अपनो प्रिय लौड़ा है, जोसे मैं भौत खुस हौं।"
Publicidade