5 6:5 लूका 18:10-14 "जब तुम प्रार्थना करथौ, तौ कपटियन के तराहनी दिखाबा मत करौ! काहैकि उन्हैं यहूदि सभाघरन मैं और सड़कन के चौहराय मैं ठाड़कै प्रार्थना करनो अच्छो लगथै। ताकी लोग उन्हैं खास लोग के भेस मैं जानै। मैं तुम्हैं सच कहथौं, बे पहलिये सब प्रतिफल पाये लईं हैं। 6 लेकिन जब तैं प्रार्थना करै, तौ अपने कमरा मैं जा, मोहोंट लगा और गुप्त रूप से अपने परम दऊवा से प्रार्थना कर और फिर तेरो परम दऊवा जो छिपकै तेरे कामन कै देखथै बाको तोकै प्रतिफल देगो।"
7 6:7 7:14 "जब तुम प्रार्थना करथौ, तौ गैर यहूदि कि तरह बेकार बातन कै बार-बार मत दोहराते रहबै तौ जौ सोचथौ कि भौत बोलन से उनकी सुनी जाबैगी। 8 तौ तुम उनके हानी मत बनौ, काहैकि तुमरो परम दऊवा तुमरे माँगन से पहलिये जानथै, कि तुमकै का जरुरत है। 9 तभई जौ तरह तुमकै प्रार्थना करनो चहाईये:
‘हे हमरे स्वर्गिय पिता,
तेरो नाओं पवित्र मानो जाबै।
10 तेरो राज्य आबै,
तेरी इच्छा जैसी स्वर्ग मैं पूरी होथै, बैसिये धरती मैं भी होबै।
11 हमरे दिन भर की रोटी आज हमकै दे।
12 और जैसी हम अपने अपराधियन कै माफ करे हैं,
बैसिये तहूँ हमरे अपराधन कै माफ कर।
13 हमैं परिक्छा मैं न ला,
और बुराई से बचा।’"
14 6:14 मरकुस 11:25,26 "अगर तुम दुसरेन की गलतियन कै माफ करैगे, तौ तुमरो स्वर्गिय दऊवा तुमकै माफ कर देगो। 15 लेकिन अगर तुम दुसरेन कै माफ नाय करैगे, तौ तुमरो दऊवा परमेस्वर तुमरे करे भै गलत कामन कै माफ नाय करैगो।"