Romanos 10

12 यहूदियन और यूनानिन मैं कछु भेद हईये नाय, तभई तौ बौ सबन को प्रभु है और अपने सब नाओं लेन बारेन के ताहीं इमानदार है। 13 जैसो कि पवित्र सास्त्र कहथै, "जो कोई भी मदत के ताहीं प्रभु कै पुकारैगो, बौ बच जाबैगो।"

14 पर जोके ऊपर बिस्वास नाय करीं, बे बाको नाओं काहेकै लेमैं? और जोके बारे मैं सुनिये नाय बाके ऊपर कैसे करकै बिस्वास करैं? और प्रचार करन बारे के बिना कैसे सुनैं? 15 और अगर भेजे ना जामैं, तौ कैसे प्रचार करैं? जैसे कि सास्त्र कहथै, "उनकी टाँग कैसी सुहानी हैं, जो अच्छी बातन को सुसमाचार सुनाथैं।" 16 लेकिन जितने हैं सुसमाचार मैं कान नाय लगाईं: यसायाह भविस्यवक्ता कहथै, "प्रभु, कौन है जो हमरे समाचार मैं बिस्वास करी है?" 17 अब बिस्वास सुनन से और सुननो मसीह ईसु के बचन से होथै।