32 परमेस्वर सबन कै आग्या नाय मानन के बजह से भाँद लई है, ताकी बौ सबन के ऊपर दया करै।
परमेस्वर की महिमा
33 11:33 यसायाह 55:8 परमेस्वर को धन कित्तो महान है! बाकी बुद्धि और ग्यान कैसो गहरो है! बाके फैसलन को बखान कौन कर सकथै? बाके तरीका कौन समझ सकथै? 34 11:34 यसायाह 40:13 जैसे कि सास्त्र मैं लिखो है:
"प्रभु के मन कै कौन जानथै?
कौन बाकै सलाह देन मैं काबिल है?
35 11:35 अय्यूब 41:11 कौन बाकै कहु कछु दई है, ताकी बाकै बापस भुगतान करन पड़ै?"
36 11:36 1 कुरिन्थियों 8:6 काहैकि बहे के घाँईं से, और बहे से, और बहे के ताहीं सब कछु है। सच मैं बाकी महिमा हमेसा-हमेसा होत रहबै! आमीन।