आदम और मसीह
12 ऐसिये जैसे एक इंसान से पाप जौ दुनिया मैं आओ, और पाप से मौत आई, और ऐसे करकै मौत सबै इंसानन मैं फैल गई, काहैकि सबै पाप करीं।5:12 उत्पत्ति 3:6 15 लेकिन जो हाल गलतियन को है, बौ हाल अनुग्रह के वरदान को हईये नाय, काहैकि जब एक इंसान के अपराध से निरे इंसान मरे, तौ परमेस्वर की अनुग्रह और बाको जौ दान एक इंसान के, मतलब ईसु मसीह के, अनुग्रह से भौ, भौत से लोगन ऊपर सच्चियै मैं खूबै-खूब भौ। 17 जौ सच है कि एक इंसान के पाप के जरिये मौत बौ एक इंसान के बजह से राज्य करन लगी। लेकिन जो एक आदमी, ईसु मसीह करी, बाको फल कितनो बड़ो है! बे सबै जो परमेस्वर को गजब अनुग्रह कै पाथैं और बाके संग स्वतंत्र ऊपर से न्याय पाथैं, मसीह के जरिये जिंदगी मैं राज करंगे।
18 तभई, एक अपराध सब इंसानन के ताहीं सजा की आग्या को बजह बनो, बैसिये एक धर्म को काम सब आदमिन के जिंदगी के ताहीं, धर्मी को बजह बनो। 19 और जैसी सब आदमिन कै पापी बनाओ गौ रहै, बैसिये एक आदमी की आग्या के कारड़, बैसिये बे सबै एक आदमी के आग्या मानन के फलस्वरूप परमेस्वर के संग धर्मी हुई जांगे।