6 ଏନାମେନ୍ତେ ଆବୁ ସବେନ୍ ଇମ୍ତା ଜୀଉରେ କେଟେଦ୍କେଦ୍ତେ ମେନାବୁଆ, ଆବୁ ସାରି ତାନାବୁ, ଚିମିନ୍ ଦିନ୍ ଜାକେଦ୍ ନେ ହଡ଼୍ମରେ ମେନାବୁଆ, ଇମିନ୍ ଦିନ୍ ଜାକେଦ୍ ପ୍ରାଭୁତାଃଏତେ ସାଙ୍ଗିନ୍ରେ ତାଇନ୍କେଦ୍ତେ ଜୀଦାନ୍ବୁ ବିତାଅ ତାନା । 7 ଆବୁଆଃ ଜୀଦାନ୍ ନେନେଲ୍ତେଦ କା ମେନ୍ଦ ବିଶ୍ୱାସ୍ ଚେତାନ୍ରେ ତିଙ୍ଗୁଆକାନା । 8 ଏନାମେନ୍ତେ ଆବୁ ଜୀଉରେ କେଟେଦ୍କେଦ୍ତେ, ଆଡଃ ନେ ହଡ଼୍ମକେ ବାଗିକେଦ୍ତେ ପ୍ରାଭୁଲଃ ତାଇନଃ ନାଗେନ୍ତେ ଆବୁ ପୁରାଃଗିବୁ ସାନାଙ୍ଗ୍ତାନା । 9 ଏନାମେନ୍ତେ ଆବୁ ଆପ୍ନାଃ ଅଡ଼ାଃରେ ତାଇନଃ ଚାଏ ଏଟାଃ ଅଡ଼ାଃରେ ତାଇନଃ, ପାର୍ମେଶ୍ୱାର୍କେ ସୁକୁଇଚିତେୟାଃଗି ଆବୁଆଃ ପୁରାଃ ସାନାଙ୍ଗ୍ତାନା ।
Publicidade