ସିର୍ମାରେ ରାସ୍କାରେୟାଃ ଦୁରାଙ୍ଗ୍
1 ଏନ୍ ତାୟମ୍ତେ ଆଇଙ୍ଗ୍ ସିର୍ମାରେ ପୁରାଃ ଗାଦେଲ୍ ହଡ଼କକେ କାଉରିକେଦ୍ତେ ଜାଗାର୍ତେୟାଃ ଆୟୁମ୍କେଦ୍କଆଇଙ୍ଗ୍ । ଇନ୍କୁ କାଜିତାଇକେନାକ, "ପାର୍ମେଶ୍ୱାର୍ଆଃ ସାହାରାଅ ରିକାଏପେ । ଜୀଉବାଞ୍ଚାଅ, ମାନାରାଙ୍ଗ୍ ଆଡଃ ପେଡ଼େଃ ଆବୁଆଃ ପାର୍ମେଶ୍ୱାର୍ଆଃ ତାନାଃ । 2 ପାର୍ମେଶ୍ୱାର୍ଆଃ ବିଚାର୍ ସାର୍ତି ଆଡଃ ନ୍ୟାୟ ତାନାଃ । ଆପାଙ୍ଗିର୍ କାମି ହରାତେ ଅତେଦିଶୁମ୍କେ ସତ୍ରାକାଦ୍ ବେଶ୍ୟା କୁଡ଼ି ନାଗେନ୍ତେ ଠାଉକାଗି ସାଜାଇ ଏମାକାନା । ପାର୍ମେଶ୍ୱାର୍ଆଃ ଦାସିକଆଃ ମାୟୋମ୍ ଲିଙ୍ଗିକାଦ୍ ହରାତେ, ଇନିଃକେ ପାର୍ମେଶ୍ୱାର୍ ସାଜାଇ ଏମାକାଇଜାଏ ।" 3 ଆଇଙ୍ଗ୍ ଇନ୍କୁକେ ଆଡଃମିସା କାଉରିକେଦ୍ତେ କାଜିତାନ୍ ଆୟୁମ୍କେଦ୍କଆଇଙ୍ଗ୍, "ପାର୍ମେଶ୍ୱାର୍ଆଃ ସାହାରାଅ ରିକାଏପେ । ଏନ୍ ମାରାଙ୍ଗ୍ ନାଗାର୍କେ ଜିୟନେତାନ୍ ସେଙ୍ଗେଲ୍ରେୟାଃ ସୁକୁଲ୍ ଜାନାଅ ଜାନାଅଗି ଚେତାନ୍ତେ ସୁକୁଲଃଆ ।"
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)