ନାୱା ସିର୍ମା ଆଡଃ ନାୱା ଅତେ
1 ୨୧:୧ ୨ ପାତ୍ରାସ୍ ୩:୧୩. ଏନ୍ତେ ଟୁଣ୍ଡୁରେ ଆଇଙ୍ଗ୍ ନାୱା ସିର୍ମା ଆଡଃ ନାୱା ଅତେ ନେଲ୍କେଦାଇଙ୍ଗ୍ । ପାହିଲାରେୟାଃ ଅତେ, ସିର୍ମା ଆଡଃ ଦରେୟା କା ନେଲଃୟାନା । 2 ୨୧:୨ ଉନୁଦୁବ୍ କାଜି ୩:୧୨.ଏନ୍ତେ ଆଇଙ୍ଗ୍ ସିର୍ମାରେନ୍ ପାର୍ମେଶ୍ୱାର୍ତାଃଏତେ ପାବିତାର୍ ନାଗାର୍ ଲାତାର୍ତେ ଆଡ଼୍ଗୁଃତାନ୍ ନେଲ୍କେଦାଇଙ୍ଗ୍ । ନେ ପାବିତାର୍ ନାଗାର୍ଗି ନାୱା ଯୀରୁଶାଲେମ୍ ତାନାଃ । କଡ଼ା ନାଗେନ୍ତେ କୁଡ଼ି ଜେ’ଲେକା ସିଙ୍ଗ୍ରାଅକାନ୍ଗି ତାଇନାଃ, ଏନ୍ଲେକାଗି ନେଆଁ ସାପ୍ଡ଼ାଅକାନ୍ ତାଇକେନା । 3 ଆଡଃ ସିର୍ମାରେୟାଃ ରାଜ୍ଗାଦିଏତେ ମିଆଁଦ୍ ଲାବ୍ଜା ଆୟୁମ୍କେଦାଇଙ୍ଗ୍, "ନାହାଃଁଦ ପାର୍ମେଶ୍ୱାର୍ଆଃ ତାଇନଃ ଠାୟାଦ୍ ହଡ଼କ ଥାଲାରେ ମେନାଃ, ଇନିଃ ଇନ୍କୁଆଃ ଥାଲାରେ ତାଇନା ଆଡଃ ଇନ୍କୁ ଆୟାଃ ହଡ଼କ ହବାଅଆଃକ । ପାର୍ମେଶ୍ୱାର୍ ଇନ୍କୁଲଃ ତାଇନାଏ ଆଡଃ ଇନ୍କୁଆଃ ପାର୍ମେଶ୍ୱାର୍ ହବାଅଆଃଏ । 4 ଇନିଃ ଇନ୍କୁଆଃ ମେଦ୍ ଦାଆଃ ଜଦେୟାଏ । ଗନଏଃ, ଏୟମ୍, ରାନାଃ, ଆଡଃ ହାସୁ ଜେତ୍ନାଃ କା ହବାଅଃଆ । ସବେନ୍ ମାରିତେୟାଃକ କା ନେଲଃତାନା ।"
5 ରାଜ୍ଗାଦିରେ ଦୁବାକାନ୍ ହଡ଼ କାଜିକେଦାଏ, "ହେଗି, ଆଇଙ୍ଗ୍ ସବେନାଃକେଇଙ୍ଗ୍ ନାୱାକାଦା ।" ଆଡଃ ଇନିଃ ଆଇଙ୍ଗ୍କେ କାଜିକେଦିୟାଁ, "ନେ ସବେନ୍ କାଜି ଅଲ୍କେଦ୍ତେ ଦହେମେ, ଚିଆଃଚି ନେଆଁ ସାର୍ତି ଆଡଃ ପାତିୟାର୍ରଃତେୟାଃ ତାନାଃ ।"
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)