ମାଥିଉ 15

3 ୟୀଶୁ କାଜିରୁହାଡ଼ାଦ୍‌କଆଏ, "ଆପେ ପାର୍‌ମେଶ୍ୱାର୍‌ ଏମାକାଦ୍‌ ଆନ୍‌ଚୁକେ କା ମାନାତିଙ୍ଗ୍‌କେଦ୍‌ତେ ଚିକାନାଙ୍ଗ୍‌ ଆପେୟାଃ ରିତିରିୱାଜ୍‌କେ ମାନାତିଙ୍ଗ୍‌ ତାନାପେ ? 4 ପାର୍‌ମେଶ୍ୱାର୍‌ କାଜିୟାକାଦାଏ, ‘ଏଙ୍ଗାମ୍ ଆପୁମ୍‌କିନ୍‌କେ ମାନାତିଙ୍ଗ୍‌କିନ୍‌ମେ,’ ଆଡଃ ‘ଜେତାଏ ଏଙ୍ଗାତେକେ ଚାଏ ଆପୁତେକେ ସାର୍‌ପାଅକିନ୍‌ରେଦ ଇନିଃ ଗଜଃକାଏ ।’ 5 ମେନ୍‌ଦ ଆପେ ସବେନ୍‌କ କାଜିତାନାପେ, ଜେତା ହଡ଼ ଆୟାଃ ଏଙ୍ଗା ଆପୁକିନ୍‌କେ, ଆଇଙ୍ଗ୍‌ତାଃଏତେ ଅକ୍‌ନାଃ ଦେଙ୍ଗାବେନ୍‌ ନାମାକାତେତେୟାଃ, ଏନା ‘ପାର୍‌ମେଶ୍ୱାର୍‌କେ ଦାନ୍‌ ଏମାକାନା’ ମେନ୍ତେ କାଜିତାନ୍‌ଲଃ, 6 ଇନିଃ ଆୟାଃ ଏଙ୍ଗା ଆପୁକିନ୍‌କେ କାଏ ମାନାତିଙ୍ଗ୍‌ରେୟ ହବାଅଃଆ, ମେନ୍ତେପେ କାଜିତାନା । ଆଡଃ ପାର୍‌ମେଶ୍ୱାର୍‌ଆଃ ଆନ୍‌ଚୁକେ କା ମାନାତିଙ୍ଗ୍‌କେଦ୍‌ତେ ଆପେ ଆପ୍‌ନାଃ ରିତିରିୱାଜ୍‌ରାଃ ଇନିତୁ ଲେକାପେ ସେସେନ୍‌ତାନା ।