1 Reis 18

41 Pea naʻe pehē ʻe ʻIlaisiā kia ʻEhapi, "Ke ke tuʻu hake, mo ke kai mo inu; he ʻoku longolongo ʻuha lahi ʻaupito." 42 Ko ia naʻe ʻalu hake ʻa ʻEhapi ke ne kai mo inu. Pea naʻe ʻalu hake ʻa ʻIlaisiā ki he tumutumu ʻo Kameli; pea naʻa ne fakato hifo ia ki he kelekele, pea ne ʻai hono mata ki hono vahaʻa tui, 43 Pea pehē ʻe ia ki heʻene tamaioʻeiki, "ʻAlu hake eni ʻo sio atu ki tahi." Pea naʻa ne ʻalu hake, mo ne sio, pea ne pehē, "ʻOku ʻikai ha meʻa." Pea naʻa ne pehē, "Ke ke toe ʻalu ke liunga fitu." 44 Pea ʻi heʻene hoko ki hono liunga fitu, naʻa ne pehē, "Vakai, ʻoku ha hake mei he tahi ha kihiʻi ʻao siʻi, ʻoku hangē ko e nima ʻoe tangata." Pea naʻe pehē ʻe ia, "Ke ke ʻalu hake, ʻo tala kia ʻEhapi, Teuteu hoʻo saliote, pea ke ʻalu hifo, koeʻuhi ke ʻoua naʻa taʻofi koe ʻe he ʻuha." 45 Pea lolotonga eni, naʻe fakapoʻupoʻuli ʻae langi ʻi he ngaahi ʻao mo e matangi, pea naʻe tō ʻae ʻuha lahi ʻaupito. Pea naʻe heka ʻa ʻEhapi, ʻo ne ʻalu ki Sesilili.