1 Pea naʻe ʻikai faʻa taʻofi ia ʻe Siosefa ʻi he ʻao ʻokinautolu kotoa pē naʻe tutuʻu ʻo ofi kiate ia; pea tangi ia, ʻo pehē, "Ke ʻalu ʻae tangata kotoa pē meiate au." Pea naʻe ʻikai ʻi ai ha tangata ʻe tokotaha, ʻi he fakahā ia ʻe Siosefa ki hono ngaahi tokoua. 4 Pea pehē ʻe Siosefa ki hono ngaahi tokoua, "ʻOku ou kole kiate kimoutolu, mou ʻunuʻunu mai kiate au." Pea naʻa nau ʻunuʻunu atu, pea pehē ʻe ia, "Ko Siosefa au, ko homou tokoua, ʻaia naʻa mou fakatau ki ʻIsipite. 5 Pea ko eni ʻoua naʻa mou mamahi, pe ʻita kiate kimoutolu, koeʻuhi ko hoʻomou fakatau au ki heni: he naʻe fekau au ʻe he ʻOtua, ke u muʻomuʻa ʻiate kimoutolu ke fakahaofi hoʻomou moʻui. 15 Pea ʻuma ia ki hono ngaahi tokoua kotoa pē, ʻo fāʻufua mo tangi kiate kinautolu; pea hili ia ne nau fealēleaʻaki mo hono ngaahi tokoua.
Domínio Público. Esta tradução bíblica de domínio público é trazida a você por cortesia de eBible.org.