4 He talu ʻae kamataʻanga ʻo māmani ʻoku teʻeki fanongo,
pe ongoʻi ʻe he telinga,
pe mamata ʻe ha mata, ki ha ʻOtua mo koe,
ʻaia kuo ne fai ʻae ngaahi meʻa pehē ni maʻanautolu ʻoku tatali kiate ia.
5 ʻOku ke fakafetaulaki kiate ia ʻoku fiefia pea fai māʻoniʻoni,
kiate kinautolu ʻoku manatu kiate koe ʻi ho ngaahi hala:
vakai, ʻoku ke houhau; he kuo mau fai angahala:
ka ʻoku tuʻumaʻu ʻena,
pea te mau moʻui.
Domínio Público. Esta tradução bíblica de domínio público é trazida a você por cortesia de eBible.org.