15 Pea hili ʻenau kai, pea lea ʻa Sisu kia Saimone Pita, Saimone, ko e foha ʻo Sonasi, "ʻOku lahi hake hoʻo ʻofa kiate au ʻiate kinautolu ni?" Pea talaange ʻe ia kiate ia, "ʻIo, ʻEiki; ʻoku ke ʻilo ʻoku ou ʻofa kiate koe." Pea ne pehē kiate ia, "Fafanga ʻeku fanga lami." 16 Pea toe lea ia ki ai ko hono tuʻo ua, "Saimone, ko e foha ʻo Sonasi, ʻoku ke ʻofa kiate au?" Pea talaange ʻe ia ki ai, "ʻIo, ʻEiki; ʻoku ke ʻilo ʻoku ou ʻofa kiate koe." Pea ne pehē kiate ia, "Fafanga ʻeku fanga sipi." 17 Pea lea ʻe ia kiate ia ko hono liunga tolu, "Saimone, ko e foha ʻo Sonasi, ʻoku ke ʻofa kiate au?" Pea mamahi ʻa Pita ʻi heʻene lea ko hono liunga tolu kiate ia, "ʻOku ke ʻofa kiate au?" Pea talaange ʻe ia ki ai, "ʻEiki, ʻoku ke ʻiloʻi ʻae meʻa kotoa pē; ʻoku ke ʻiloʻi ʻoku ou ʻofa kiate koe." Pea pehē ʻe Sisu kiate ia, "Fafanga ʻeku fanga sipi.
Domínio Público. Esta tradução bíblica de domínio público é trazida a você por cortesia de eBible.org.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)