Kañam kiŋ Heɗi
17 Ini kaɗ ŋ ini maa hee ɗu woye wii, ŋ corkiɗanɗi ɗu nga. Weɗ ne coh ci ɗu na cohe, ca kaɗiɗɗi ɗu fiki, ca na doknee ɗu finho.
20 Kañam ki ɗu na ñame ŋ coh ciŋ ɗu, wa wiŋ Heɗi haa. 21 Ɗu ɓooffa ne ɗu ñam ɗah, yaa nu nga artukee, ñamee kañam ki a haytoh, hay ɗah ɓum aɗuk, ɓinooɓi laar. 22 Ɗu raakɗi raakɗi kahan ne ɗu ñamohee nga, ɗu anohee nga e ? Wa ye tah ɗu heeffa Janguuniŋ Kooh, ɗu kaci’ɗee ɓi raakɗi ? Ŋ joy ɗu ye woo ? Ŋ corkiɗan ɗu corkiɗ e ? Muk, ŋ corkiɗanɗi ɗu ŋ ineem !
27 Weɗ tah po yaa nu ñam mbuurndi, wala a an ŋ kaasiŋ Heɗi te a eɗɗi ɗe cir ɗah, a tooñ faani na ñif miŋ Heɗi. 29 Yi ñaman wala a an te a liiɓɗi ŋ faaniŋ Heɗi ɗah, a na nooke atteeniŋ Kooh ŋ haf ce. 30 Ineem weɗ tah, kosaayiɗ ci na raakaaɗi hatil ci laayya ŋ ɗooƴ ɗu, te laayiɗ kaaniɗ.
33 Ŋ ineem, ɓaah ciŋ ngo, ɗu coh ne ɗu ñam ɗah, sektiɗohaat.