7 Yaa nu nga ɗah, Fuuɗsi Hoolohngaani oniɗ ɗe onohi njirñan ɓooɓi jen. 8 Yum Fuuɗsi oniɗ ɗe liiɓohaaɗ moɗiɗ ne a woo woo moɗiɗ, yinoori Fuuɗsi onnda ɗe inhaah ne a woya ɓooɓi. 9 Fuuɗsi yino-kongeem onnda yum ooluk Kooh, onnda yinoori ne a wirɗee kosaayiɗ ci. 10 A onnda ɓo' wiiriis ne a min tum in feyohiɗ, ɓo' wiiriis ne a woyee taamboh ŋ ɓoyeem. Ɓo' wiiriis onuusa min inhisoh ini puloh ŋ Fuuɗsiŋ Kooh na wi pulohɗi nga ɗe. Ɓo' wiiriis onuusa min jomb ŋ ɓi peɗeem ci ɓa inahɗi, ɓo' wiiriis onuusa ne a min tokis peɗeem ceem.

11 Waaye in ceem jen, ca pangkiŋ Fuuɗsi Hoolohngaani yino-kongeem ngaŋ yaa nu nik ; yaa nu nga a payis ɗe onoh ɗalohiɗ na wiŋ morom ce findi Fuuɗsi waaɗoha.