Jomb ŋ peɗeem na woyiɗ Kooh
1 Kon, hiiraat keeñ ciŋ ɗu ŋ waaɗ morom ɗu, te ŋ ini kaɗ ŋ onoh ciŋ Fuuɗsi Hoolohngaani, sawraat ca raak, uupaat nga waak ne Kooh woyee taamboh nga ɗu. 3 Waaye yi na woye ini Kooh woos ɗe, a na woye na ɓooɓi ne a ɓaatɗoh ɓa ɓa kaɗ fiki, a ñaahee ɓa, a dalɗee hel ci.
24 Waaye Kooh woyee taamboh ŋ ɓooɓi jen, hend wa raak kosaaɗi wala hanhe aasee ɗah, ini a na kerhe jen hey ɗe teeɓe ne a bakaaɗoh, te wa attee ɗe. 25 In ci ɗasɗuk ŋ ɗooƴ keeñiŋ ɗe jaar ca ñiin, a ƴek, a yip puki ŋ kehƴi. A ñaamuk Kooh te a teyɗuk ne wa keeh ne Kooh yii ŋ harmban ɗu !
29 Ini kaɗ ŋ ɓi na woye woo ci puloh ŋ Kooh, ɓa kinaat uup kanak po kaahay, te ɓi tas markissee andi wa ɗaa wala wa ɗaa haa. 30 Waaye Kooh teeɓ ɓo' wiiriis ŋ ɓooɓi nik ŋ ndeem, ini a min yegɗoh ɗah, yi na woye ɗekaat. 32 Ɓi na woye woo ci puloh ŋ Kooh, ɓa yilfaat ini Kooh on ɓa.