Findi faan ci mandan ŋ hulta
35 Waaye ɓo' miniɗ meeksoh ne : « Kaaniɗ ci hultohan na ? Ɓa hayan na cinde faan ? » 36 Ɓoyeem ñaañɗi ! Fu sok tisoh ɗah, wa joyiɗ kaan bala wa camban pes ɗah. 37 Te fu sokee ɗah fu na sokeeɗi kidgi na faaniŋ wa, fu na soke tisoh ɓarang, wa miniɗ nik tisoh bele wala tisoh wiiriis. 38 Ƴut ɗah, Kooh eɗ tisoheem faani a waaɗ, a na eɗe tisoh nu nik faaniŋ wa haf wa.
42 Wa mandan ɗaa ŋ hultiŋ kaaniɗ ci. Faan uumbsee findi tisoh ŋ kehƴi ɗah, wa na kee yahka ; wa hulit ɗah, wa yahkissanɗi. 43 Faan uumbsee ŋ kehƴi ɗah, wa na moɗeeɗi, waaye wa hulit ɗah, wa na hulte na moɗ keeh-keeh. Faan uumbsee ŋ kehƴi ɗah, wa na raakeeɗi hatil, waaye wa hulit ɗah, wa na hulte riifiɗ na hatil. 44 Faan uumbsee ŋ kehƴi ɗah, wa na nike faan njaay rek, wa hulit ɗah, wa nik faani Fuuɗsiŋ Kooh na pesɗe. Faan njaay raakiɗ ɗah, kon faani Fuuɗsiŋ Kooh na pesɗe namiɗ raak.