1 Korenta 6

Atte ŋ harmban ɓaah ciŋ ɓoo kosiɗ ci

1 Ɓo' nga ɗu leer na ɓaah ce ɗah, a kaañoh na gong ɓo'-Kooh ci, a nakee yurhaaɗiici ne ɓa attee ɓa ? 2 Wala ɗu inahɗi ne e ɓo'-Kooh ci atte’an ɓi Adina ? Nik ne e ɗu joy atte Adina ɗah, kon in hend an ƴissuut joyiɗ ɗu wooñ atte’u e ? 3 Ɗu inahɗi ne e ɓoo na hee atte’e sah malaakaaci e ? Ŋ woyisɗi ɗa leeroh ciŋ adinaanii ! 4 Waaye ɗu, ɗu raakka muuƴoh findi an ɗah, ɗu na kaɗe ɓaya ɓooɓi Janguuni sikɗukɗi, ɓa atte’ee ɗu !

5 Ini mi na woye wii, wa kaciikiŋ ɗu. Ali wa mand na, ɓo' raakiɗ liiɓohaaɗ moɗiɗ joyiɗ raak ŋ ɗooƴ ɗu, ɓoyi min atte harmban ɓaah ci muuƴoh !