Lof ciŋ Pool ŋ ini kaɗ ŋ raak ƴaar mbaa ɓitiɓ
1 Ɓoo kaɗaat ŋ ini ɗu woo ŋ kayti ɗu fiisee so, ŋ ini kaɗ ŋ ƴaar, andi sang hun na ɓitiɓ baahiɗ nga ɗe. 2 Mbalayi laayiɗi tahiɗ po ini ngisoh weɗ ne ƴaar nu nga hunaat na ɓitiice te ɓitiɓ nu nga hun na ƴaar ce.
8 Ɓitiifu wala ƴaar fu kaan ɗah, wa baahiɗ ne fu tas raakaaɗi, findiiso. 9 Waaye ɓooɓeem, ɓa minɗi amb haf ɓa ɗah, ƴaar ci tokissaat, ɓitiɓ ci raakis ƴaar ; raak ƴaar mbaa ɓitiɓ weɗ ngisoh maɗ hee ɗa ape.
Liiɓ ŋ ini kaɗ ŋ raak ɓitiɓ na raak ƴaar
25 Ini kaɗ ŋ cafaƴ ci, ŋ rahasɗi nakoh puloh ŋ Heɗi ; waaye maa hee woye ini ŋ liiɓ nga findi ɓoyi oolku sagu yirmi Heɗi yirim mbo. 26 Sagu miskiɗ ci woti-woti ŋ liiɓ ne ini ngisoh weɗ ne yaa nu nga ris ŋ ini a nikoh. 27 Fu nguɗiɗ cakiim e ? Kina jeem pul nga. Fu raakɗi ɓitiɓ e ? Kina waak ɓitiɓ. 28 Waaye fu tok ɗah, wa bakaaɗ haa. Te kuɓki cafƴi toku ɗah, a bakaaɗɗi. Waaye inhaat ne ɓooɓi nik ŋ sey hey raake miskiɗ ŋ Adina, te miskiɗ ceem ceɗ ŋ waaɗɗi ne ca rahas ɗu.