7 Keeh-keeh, nikeen ne ɓooɓi jen mand na so ɗah, wa heen ndo neɓe ; waaye yaa nu nga na ini Kooh on ɗe, yii onu wii, yen onu wen.
32 Waaɗ-waaɗiŋ ngo, weɗ ne ɗu raakuu ali liiɓsiɗoh Adina.
Kosiɗi raakɗi ɓitiɓ, na taambkohe in ciŋ Heɗi, na findi a joy tum po Heɗi neɓu nga ɗe. 33 Waaye yi tok ɓitiɓ na taambkohe in ciŋ Adina, na findi a joy tum po ɓitiice neɓu nga ɗe, 34 ŋ ineem a na inheeɗi ini a tuman na wi a faɗan.
Wa mand ɗaa ŋ ɓitɓi raakɗi ƴaar, na kuɓki cafƴi tokuuɗi, ɓa na taambkohe in ciŋ Heɗi, faan ciŋ ɓa na liiɓ ciŋ ɓa wuu Kooh. Yi raak ƴaar na name taambkoh in ciŋ Adina, na findi a joy tum po ƴaar ce neɓu nga ɗe. 35 Ŋ woo in cii wuu jamiŋ ɗu, ŋ wooɗi ca ne ŋ waaɗ ɗu jatang. Ŋ waaɗ rek ne ɗu raak kipes moɗiɗ te ɗu ŋoɗ ŋ pangkiŋ Heɗi dong.