Kañɗohi
1 Mi yii kañiɗ ɗu, mi yi Piyeer, Apootariŋ Yeesu Kiristaa. Mi yii fiis ɗu kaytii, ɗu ɓi Kooh kooɗ te ɗu pesee findi hanhe, ŋ pasarkohi ɗu pasarkoh ŋ kur ciŋ Pontos na Galaat na Kapados na Asi na Bitini.
Ini ɓoo yaakaar minɗi yahuk
3 Kooh yakɗaah, Koohiŋ Heɗ ɓoo Yeesu Kiristaa, a nammba nik Baabiŋ ɗe. Ŋ miski ɓoo misik ɗe keeh-keeh, a tumiɗ po ɓoo rimkissiɗ, a onnda ɓoo yaakaari na pese taamboh ŋ hultiŋ Yeesu Kiristaa. 4 In ci a gap ɓoo minɗi yahuk, ca soɓe’anɗi te moɗkiŋ ca minɗi coot, ɗu ɗaakɗuuɗ ca ŋ Eel ci.
6 Ineem weɗ tah ɗu riifiɗ na sum, ali nik ne sah ɓi neeh ceɗɗi, ɗu ɓii ŋ miskiɗ, a Kooh na markiskee ɗu, markiskohaaɗ nu nik.