Jangɗoh ci na muuƴɗohe
1 Moona Fuuɗsi Hoolohngaani woyiɗ hooliɗ ne ŋ jamanooci mirndohan, ɓi ɓo' hey faɗe kosi, ɓa taambiɗ jiiniici na muuƴɗohe na ini jiiniiceem na jangɗohe. 2 Ɓooɓeem hey faɗe naafeehaaci leyoh ci ɓa ñaañoh ɓa. Ñaañohoh ceem, liiɓohaaciŋ ɓa ñaasuuɗ na tiwiñ dohɗuuɗ. 3 Ɓa na sangohe kilookoh, ɓa faɗɗukohee ɓooɓi ɓi kañam. Te moona a Kooh fer kañam ceem. A fer ca ne ɓi kos te ɓa inahha keeh ki njirñiɗkohee ca, corkiɗee ɗe ŋ ineem.