23 Ɓa pangkoh ciŋ Kiristaani e ? - Faɗa ŋ woo naandoha - ñam uup ɓa wa nik. Nik panguk miskiɗ ɗah, ñam uupiɗ ɓa nga ; nik taƴ ŋ kaso ɗah, ñam uupiɗ ɓa nga ; nik laɓu ɗah, e laɓ ci ŋ laɓu uup laay fuuf ! Waas laayiɗ, ŋ hotee ŋ kakaan ki an.
24 Ini ree waas yatuus, Yawuut ci laɓiɗ to leraw ciŋ ɓa ndaŋkiyaah-kaahay na yasna-nikiis (39)11:24 Waasiŋ Musaa sangohiɗ ne ɓo' laɓu ini uup waas ndaŋkiyaah-nikiis (40). Yawuut ci sangee ɗal ineem, weɗ tah ɓa meeɗeen laɓ ɓo' leraw po ɓa ree waas ndaŋkiyaah-kaahay na yasna-nikiis, ɓa tufkiɗ. Marka teerndiŋ Rohƴiɗi 2:1-3. ciŋ ɓa, 25 ɓi Rom laɓiɗ to na ndooɗ ciŋ ɓa waas kaahay, ŋ moosiɗ tapsohu atoh ne ŋ apu, waas kaahay bato diigiɗ na so ŋ cookmi, ŋ tumiɗ noh yino na wek yino ŋ ɗooƴ masmiŋ cookmi. 26 Ŋ ɓaaɓ ciŋ ngo laayiɗ ci, ŋ cohiɗ na in wooraaɗi laayiɗ : nupɗiŋ kal ci, na nguɗndukohoh ci, cum ɗah ɓaah ciŋ ngo Yawuut ci waaɗ to tum miskiɗ, wala ɓi nikɗi Yawuut sah, cum ɗah ŋ coh na in wooraaɗi ŋ kur ci, na nduufi, na cookmi, cum ɗah sah e ɓi na woye ne ɓa ɓaah na ɗa kos na ɓekee ɗa wa. 27 Cum ɗah ŋ pangkee ɗiska panguk uup miskoh ; ŋ raak neeh laayiɗ neehaaɗi, cum ɗah ŋ aɗuk, cum ɗah ŋ sifaɗuk, waas laayiɗ ŋ raak mbeh mulnguus ñamaaɗi ; soosi hee so ape, cum ɗah ŋ ñak ɓekkaah.
28 Laayiɗ tasiɗ, waaye ca tahɗi so woo, ɗal wi na range hafiŋ ngo Kooh-nu-wiis, liiɓsiɗohi ŋ ini kaɗ ŋ Janguuci jen !