Saɓsukohaat na hoolaaɗi
14 Findi ɗoopaat ɓaahaaɗi minohɗi ɓaah tokiɗ sareet, kinaat nam ɓaah raanaah na kosaaɗiici. Ini yurah na ini yurahɗi ɓaah ye ? Wala siñaar na ñuus min ye ɓaah ? 15 Kiristaani na Seytaani6:15 Seytaani : ŋ Fiis ci ndii, gerek woo "Beliyar", wa ɓaah ŋ tiik ciŋ Seytaani. min kerhiɗoh ŋ ye ? Wala kosiɗ na kosaaɗi min hunoh na ? 16 Kahan Kooh min ye kerhiɗoh na kooh ci nikaaɗiici ? Laam e ɓoo kahniŋ Koohi na pese findi a woyoha an :
« Ŋ hey gene na ɓa,
ŋ tiindee ŋ harmban ɓa,
ŋ nik Koohiŋ ɓa,
ɓa nik cuuɓiŋ ngo. »6:16 Lewiici 26:12; Esekiyeel 37:27
17 Weɗ tah a woosa ne :
« Pulaat ŋ ɗooƴ ɓa !
Saɓsukohaat na ɓa !
Kinaat laal in hoolaaɗi6:17 Esayi 52:11
te mi ŋ hey ɗu taambɗuke.6:17 Esekiyeel 20:41
18 Ŋ hey nike Baab nga ɗu,
ɗu nik kuɓuuciŋ ngo !6:18 2 Samuwel 7:14 »
Heɗi, yi Heɗ-hatil woo ineem.